Feeds:
Posts
Comments

Posts Tagged ‘Sri Lanka’

සිංහලද? සිංහල යුනිකේතද?

සමහරුන්ට මේක ටිකක් අවුල් සහගත වෙන්න ඉඩ තියෙනවා. ඒ නිසා හැමෝටම තේරෙන භාෂාවෙන් මේ ගැන ලිව්වොත් හොඳයි කියල හිතුනා. ඒවාගේම සිංහල බ්ලොග්කරුවන්ගේ සමූහයේ සාකච්චා වුනු සමහර කාරනා (කලාව සහ සිංහල යුනිකේත) මෙයට අදාලයි. මේ දිනවල කාර්‍ය බහුල නිසා ලිපියේ අඩු පාඩු එහෙම තියෙන්න පුලුවන්.

සිංහල භාෂාව Standard එකක් විදියට Internet එකේ භාවිතා කරන්න ශ්‍රී ලංකාවේ ඊට අදාල ඉහල ආයතන වලින් සම්පාදනය කරපු ක්‍රමවේදයක් තමා සිංහල යුනිකේත කියන්නේ. (මෙම නිර්වචනය හුදෙක්ම පොදු ජනතාවට තේරුම් යන ආකරෙන් සකස් වූවක් මිස 100% තාක්ෂණික නිර්වචනය නොවේ.)

උදාහරණයක්: විවිධ Websites තමන්ට කැමති සිංහල FONT භාවිතා කරමින් සිංහල ලිපි (හෝ වෙනත් දේ) අන්තර්ජාලගත කිරීමෙන් (මෙය එක්තරා අන්දමක වල් බූරු නිදහක්), සිංහල භාශාව කිසි standard එකක් (ආතක් පාතක්) නැති භාෂාවක් බවට පත් වෙනවා. ඒවාගේම Search Engines මාර්ගයෙන් වලට මෙවැනි Content සොයාගත නොහැකි වනවා.

මෙයට විසදුම වන්නේ (කැමැත්තෙන් හෝ අකමැත්තෙන්) සියල්ලෝම එකම Standard එකක් පාවිච්චි කිරීමයි. ඉතින් සිංහල යුනිකෝඩ් පාවිච්චි කිරීමෙන් අප යම්කිසි තේරුමක් ඇති දෙයක් කරනවා.

කලාවද? සිංහලද? සිංහල යුනිකේතද?

ඇයි අන්තර්ජාලයේ සිංහල කලා නිර්මාණ වලට තහංවි දාන්නේ? පින්තූර (Photo/ JPG) මත සිංහලෙන් කවි ලියල සිංහල බ්ලොග් ලිවීමෙන් වන වරද කුමක්ද? මේ සමහර අය නගන ප්‍රශ්න.

කලාවට ඉමක් කොනක් නැති උනත්, තහන්චි පැනවිය නොහැකි උනත්, “කලාව හා තාක්ෂණය” මුසුවනවිට අපට යම්කිසි හික්මීමක්, ආදර්ශයක් සහ තත්වයන් (Standard) වලට යටත්ව වැඩ කිරීමට සිදුවෙනවා.

“සිංහල” භාෂාවක් වශයෙන් දියුනු වූවත්, එය තවම අන්තර්ජාලයේ 100% ප්‍රචලිත වී නැත. ඒ නිසා, ඔබ අන්තර්ජාලයට කුමක් හෝ සිංහලෙන් ඇතුල් කරනවානම්, එය “සිංහල යුනිකෝඩ්” වලින් වීම අන්තර්ජාලයේ සිංහල භාෂාවට ඉහල තත්වයක් රුකුලක් වෙයි.

ඒ බව ටිකක් සාවදානව තේරුම් අරන්, ඔබේ කලාබර අදහස් සහ නිර්මාණ යුනිකෝඩ් භාවිතාකරමින් අන්තර්ජාලයට මුසු කිරීමෙන්, ඔබට විතරක් නොව, මතු පරම්පරාවටද යහපතක් වනු ඇත.

වැඩිදුර විස්තර:
http://www.unicode.org/standard/WhatIsUnicode.html
http://locallanguages.lk/node/95

Read Full Post »

 



පරිඝණක ක්‍රීඩා (PC Games) කිව්වම නොදන්න කෙනෙක් නෑනෙ. සමහර අයටනම් ඉතින් games අල්ලන්නෙ නෑ, සමහර අය කැමතියි. ඉතින් මම හිතුවා ලංකාවේ පරිඝණක ක්‍රීඩා ගැන නොදන්නා කරුනු ටිකක් ගැන ලියන්න. මේ කතාකරන්න යන්නේ අපි සාමාන්‍යයෙන් පරිඝණකයට ස්ථාපනය කොට ක්‍රීඩා කරන single player games නොව, බහු-ක්‍රීඩක (multiplayer) පරිඝණකය ක්‍රීඩා ගැනයි.

ලංකාවේ බහු-ක්‍රීඩක පරිඝණක ක්‍රීඩා (multiplayer games) කරන අය එකතුවී සාදාගත් සමූහ / කංඩායම් (Clan/ Teams) තිබේ. එම සමූහ වල විවිධ වර්ගයේ ක්‍රීඩාවන් ක්‍රීඩාකරන අය සිටී. උදාහරනයක් වශයෙන් මා බැඳී සිටින්නේ [DC] (Death Company) යන සමූහයේ. මා එහි CoD4 (Call of Duty 4) යන පරිඝණක ක්‍රීඩාව ක්‍රීඩා කරනවා. මෙවැනිම තවත් සමූහයන් රාශියක් තිබෙනවා. ජනප්‍රිය සමූහයන් කිහිපයක් නම්; [DC] (Death Company) , MAX, -nA- (Noob Aliance) , =iG=- Infinity Gamers , [ESF] (Extreme Strike Force).

ලෝකයේ ජනප්‍රියම පරිඝණක ක්‍රීඩා වර්ගය වන Massively Multiplayer Online Role-Playing Games (MMORPG) අති විශාල ක්‍රීඩකයන් ගනනක් එකම ක්‍රීඩාවක යෙදවිය හැකි ක්‍රීඩා වර්ගයකි. World of Warcraft එයට උදාහරනක් වේ. මෙහිදී ඔබට ඔබේම Virtual චරිතයක් නිර්මාණය කොට ක්‍රීඩාව ගවේෂණය කිරීමට සහ එහි තිබෙන විවිධ අභියෝගයන්ට මුහුන දීමට පිලිවන්.

මීට අමතරව ඉතා බහුල වශයෙන් ක්‍රීඩා කරන First Person Shooter (FPS) වර්ගයේ ක්‍රීඩා අතර Counter Strike (CS) සහ Call of Duty 2/4/5 යන ක්‍රීඩාද අයත් වෙනවා. මෙම ක්‍රීඩා ඉතා සජීවී සහ ආක්‍රමණශීලී ගතියක් ගන්නේ එය සාමාන්‍යයෙන් කෙනෙක්ගේ ඇස් මට්ටමෙන් පෙපෙන ආකාරයට සාදා තිබෙන නිසාය. තාත්වික බවින් ඉතා ඉහල ගනයේ ක්‍රීඩා වැඩි වශයෙන් නිකුත් වන්නේ First Person Shooter (FPS) ක්‍රීඩා වර්ගයේදී සහ 3rd Person Shooter ක්‍රීඩා වලදීය.

2008 ලෝක පරිඝණක ක්‍රීඩා තරඟාවලියට (2008 World Cyber Games) ලංකාවෙනුත් කන්ඩායමක් සහභාගී උනා. මෙම කන්ඩායමේ නම Team Liquid.

දැන් GoogleTalk, MSN, Yahoo පාවිච්චි කරන්නේ නැති කෙනෙක් හොයාගන්න බෑ. ඒවාගේම බහු-ක්‍රීඩක පරිඝණක ක්‍රීඩා කරන අය X-Fire යන  මෘදුකාංගය පාවිච්චි කරනවා. තවද මෙම මෘදුකාංගය අප පරිඝණකයේ ස්ථාපනය කර ඇති පරිඝණක ක්‍රීඩා ස්වයන්ක්‍රීයව හදුනාගෙන එක ක්‍රිඩාව ක්‍රීඩා කිරීමට හැකි සර්වර් සොයා දෙනවා.

Team PeRks

මීට මාස කිහිපයකට කලින් දක්ෂතම CoD4 ක්‍රීඩකයින් එකතු කොට ලංකාවේ පලමු සහ එකම වෘත්තිමය CoD4 කණ්ඩායම (Pro-Team) සාදනු ලැබුවා.

එහි නම Team PeRks. මෙය කිසිම රාජ්‍ය අනුග්‍රහයකින් කල දෙයක් නොවේ. ලංකාවේ පරිඝණක ක්‍රීඩාව ලෝක මට්ටමකට ගෙන ඒම සඳහා ටික දෙනෙක් එකතුවී කල දෙයක්. ලඟදී මටත් ආරාධනාවක් පැමිණියා Team PeRks වෙතින්. ඉතින් මමත් දැන් Team PeRks වල සාමාජිකයෙක්.

මේ වන විට අප තරඟාවලි කිහිමයකට සහභාගී වෙමින් සිටිනවා. European Open Cup, Asian CoD4 Championship (ACC) මේවායින් සමහරක්. මධ්‍යස්ථව සිතා බැලුවොත් අප ඉතා කෙටි කලකින් අඩුම් පහසුකම් මැද වේගවත් දියුනුවක් ලබා තිබෙනවා. බහු ක්‍රීඩක පරිඝණක ක්‍රීඩාවල (Online Multiplayer Games) විශේෂ අංගයක් වන්නේ Network Ping (Latecy) එක. අප විදේශ රටවල් සමඟ ක්‍රීඩා කිරීමේදී අපට ඉතා ඉහල Ping එකක් ලබෙනවා. මොකද අපට එංගලන්තය, ජර්මනිය වැනි ඉතා දුට පිහිටා තිබෙන රටවල සර්වර් වල ක්‍රීඩා කිරීමට සිදුවන නිසා.

මේ නිසා අප කොතරම් ඉක්මනට ක්‍රීඩා කරත් මිලි තප්පර 250+ වැඩි ප්‍රමාදයක් ස්වයංක්‍රියවම අපට ලැබෙනවා. ඒ කියන්නේ අප දැන් කරන දේ ඔවුනට පෙනෙන්නේ මිලි තප්පර 250+ පස්සේ. CoD4 යනු ඉතා අධිවේගී තාත්වික ක්‍රීඩාවක් නිසා මිලි තප්පර 50ක වෙනසත් තරඟයක් වෙනස් කිරීමට සමත්.

ඉතින් විදේශ ක්‍රීඩකයින්ට අපට වඩා මිලි තප්පර 200+ ක වාසියක් තිබෙනවා. මේ නිසා Ping එක නිසා පැරදුනු තරඟත් තිබෙනවා. කෙසේ නමුත් මේවායින් සැලෙන්නේ නැතුව අප දිගටම විදේශ කන්ඩායම් සමඟ තරඟ පවත්වනවා.

ඔබට CoD4 මොනවාගේ ක්‍රීඩාවක්ද කියා දැන ගැනීමට ඕනෑනම් පහත විඩියෝ clip එක බලන්න. High Quality Button එක press කර බැලුවොත් ඉතා හොඳට පෙනේවි. 🙂

ආහ් තව දෙයක්, බහු ක්‍රීඩක පරිඝණක ක්‍රීඩාවල යෙදෙන අය තමන්ව හදුන්වන්නේ ඇත්ත නමින් නෙමෙයි. ඔවුන් වෙනස් නම් පාවිච්චි කරනවා. මේ තිබෙන්නෙ Team PeRks කන්ඩායමේ සාමාජිකයින්ගේ නම්;

1. Madhatter
2. Toxin
3. Shafrox
4. Psycho
6. Krycek
5. Pabasara
6. Pirate
7. Whendras

ඉතින් ඔබත් බහු-ක්‍රීඩක පරිඝණක ක්‍රීඩාවල යෙදීමට කැමතිද?

Read Full Post »

හැමදාම වගේ කන කට්ටක් ගැන ලියන්න හිතුනා. මේක ගැන මම කලිනුත් ලියල තියෙනව. අපේ සිංහල බ්ලොග් කරුවන්ගෙ අදහසුත් දැනගන්න එක හොඳයනේ.

පෞද්ගලික බස් සේවාව

මෙන්න මේව තමා අපේ පෞද්ගලික බස් සේවාව අපට සපයන විශේෂ සේවාවන් සහ අංගයන් (features)

  • හරි වෙලාවට කලාවට බස් පිටත්වීම සහ ගමනාන්තයට ලඟාවීම.
  • හරියටම බස් නැවතුම්පල වල පමනක් බසය නැවැත්වීම.
  • සියලුම මගීන් බසයෙන් නගින තුරු සහ බසින තුරු අඟලක් වත් හොල්ලන්නෙ නැතිව සිටීම.
  • කොන්දොස්තර මහත්වරු මගීන්ට ඉතා කාරුනිකව කතාකිරීම සහ මුදල් දුන්නාද කියා හරියටම පසක් කරගැනීමටම පමනක් දෙපාරක් විමසීම.
  • මුදල් ගෙවන පරක්කුවෙන් ටිකට් පතක් ලබා දීම.
  • වාහන තදබදය වලක්වාගැනීමට කරන උදව්වක් වශයෙන් කිසිම අනවශ්‍ය තැනක බසය නොනැවැත්වීම.
  • මගීන්ට පරක්කු වේලාවන්ට පමනක් ඉතා සුපරික්ෂාකාරීව අධිවේගයෙන් ගමන් කිරීම.
  • කොන්දොස්තර මහත්වරු ඉතුරු සල්ලි හරියට ලබාදෙන නිසා මගීන් මාරු කාසි ලඟතබා ගැනීම අනවශ්‍යය.
  • සිටගෙන යන මගීන්ට අනෙකුත් මගීන්ගෙන් පශ්චාත් භාග සම්බාහන සේවාවන් ලැබිම සහ ඉඳගෙන යන මගීන්ට කොන්දොස්තර මහතාගේ පශ්චාත් භාගයෙන් අත් සහ උරහිස් ප්‍රදේශයන්ට සම්බාහන සේවාවන් ලැබිම. (මේ සියල්ල ඔබේ ටිකත් පතේ මුදලට එකතුකට ඇත. වැඩිපුර ගෙවීමක් අවශ්‍ය නැත.)
  • ගැහැනු පාර්ශයන්ට පිරිමි මගීන්ගෙන් විශේෂ සම්බාහන සේවා ලැබීම සහ ඒවාගැන කතාකිරීමට යාමේදී අලුත් වාහනයක් මිලදීගෙන ගමන් කරන ආකාරය ගැන කොන්දොස්තර මහත්වරුන්ගෙන් උපදෙස් ලැබීම.
  • බස් සේවකයන්ගේ සංගම් මගින් ඔවුන් මගීන්ට ලබාදෙන පහසුකම් වැඩි දියුනු කිරීමට ඇපකැප වී සිටීම සහ මහජනතාව ඉතා ප්‍රීතියට පත් කරන වැඩ වර්ජන වැනි දේ ආරම්භ කිරීම.

සැලකිය යුතුයි: මේ විවේචනයන් කාටවට්ත් මඩ ගැසීමට නොව වැරදි හදාගන්නටය.

මෙහි නොමැති ඔබ දන්නා තවත් විශේෂ අංගයන් තිබේනම් සටහනක් තියන්න.

Read Full Post »

2007 ජූලි 20 වෙනිදා මම ලිව්ව පොඩි කවියක් ‘The Queqe to Hell‘ කියල, හැබැයි ඉංග්‍රීසියෙන්. ඒකට ටිකක් හොඳ ප්‍රතිචාර ටිකක් ලැබුන. ඉතින් ඒ කවිය මට සිංහලට හරවන්න හිතුන. හැබැයි ඉතින් මම කවියෙන් නම් නොවේ. බලන්න ඒකෙයි මේකෙයි වෙනස. කියන්න මට හොඳ නරක.

ආහ්.. අමතක උනා! පුලුවන්නම් හොයන්න මොන ‘පෝලිමක්’ ගැනද මේ කියන්නෙ කියල? කාටවත් තාම හොයාගන්න බැරි උනා.

 

පෝලිම
පෝලිම

 

 

පෙනෙයි.. පන්ති කාමරයේ සීලිම් සිදුරු තුලින් ගලා එන හිරු එලිය 

දිස්වෙයි.. තුන් මසකට කලින් අලුත් වැඩියා කෙරුනු ගේට්ටුවට ඔබ්බෙන් ඇති කඩතොලු වූ පාර

නොදනිමි.. මවක් අත සිටින ලදරුවා හඬන හේතුව

දැනෙයි.. මේ සෞම්‍ය උදෑසන සිහිල් සුලඟ… නමුදු අන් කවරෙකුටවත් එය නොදන්නවා වැන්න

පනිති.. මිනිසුන් පිරිසක් බිමට, නොනැවතුනු හේතුවෙන් බසය

සිනහවෙයි.. සොල්දාදුවන් කිහිපදෙනෙක්, හැඟීම් දැනෙන්නේ ඔවුනට පමනක් මෙන්

සිටිති.. මිනිසුන් පිරිසක්, පාට පාට ඇඳුමින් සැරසී… බොරු සිනහවෙන් මුහුනු සරසමින්, මකාලන්නට බැරිව, ඔවුන්ගේම දුප්පත්කම!

විසිකලා මා ඒ කොලය… කීතු කීතු වලට ඉරමින්…

ඉඩදී පෝලිමේ අනෙකුන්ට… ලකුනු කරන්නට ඔවුන්ගේම ගමන නිරයට!

Read Full Post »

නිදහස්ව යනතුරා

නිදහස්ව යනතුරා

මගේ හද ගීතයට
තනුව වූ නුඹම යළි
මගේ නෙතු කඳුළුවල උණුසුමත් වෙලා..
කවියක් වගේම හැඩට
ලියාගෙන ආ ජීවිතය,
ආයෙමත් අතරමග නැවතිලා තනිවෙලා..
කදෝපැණියෙකු ලෙසින්
ජීවිතය බදාගෙන
වේදනා වින්ද සිත,
මරණයට ගී ගයන රැහැයි හඬ මැද තනිව
මග බලා ඉන්නවා..
නිදහස්ව යනතුරා මේ කයින් ඉක්මනට

~~~~~~~~~~~~~~~~~~~~~~~~~~~~~~~~~~~~~~~~~~~~~~

මට ඇත්නම්

එකම එක වාරයක්

එකම එක වාරයක්
නිල් තුරු සළුව යටින් නිදහසේ පියනගන්නට ඇත්නම්..
තරු වියනක් යට සඳ සේළයට ගුළි වී
සැතපෙන්න ඇත්නම්…
පියාපත් යුග විදා එකම එක වාරයක් විසල් නුඹ ගැබ පුරා
පියාඹා යන්න ඇත්නම්..
මහවාළුකාවේ දිය පොදක් වී
මේ මහපොළොව සිඹ්න්නට ඇත්නම්..
මහා ගිරිකුළු මුදුනකට නැග
මේ ළොවට කොයි තරම් ආදරේදැයි කෑ ගසා කියන්නට මට ඇත්නම්….

~~~~~~~~~~~~~~~~~~~~~~~~~~~~~~~~~~~~~~~~~~~~~~

මේ අහපන් යාළුවා

මේ අහපන් යාළුවා

මේ අහපන් යාළුවා..
උඹ දන්නවා හොඳටම උඹ කවුද කියලා..
උඹට පයින් ගහලා බිමදාපු උන්ගෙ කකුලුත් හපාගෙන
නැගිටපන් ආයිමත්;
සටන් කරපන්..
ජීවිතය යුද්දයක්..
අනිත් හැමෝම දිනද්දි
උඹට විතරක් පරදින්ඩ බැහැ..
කඩාවැටෙන්න එපා..
කෙළින් තියාගනින් ඔළුව
බලාපන් ලෝකය දිහා..
අපි මේ දුවන රේස් එකේ..
උඹේ දුක අහලා කඳුළු බෙදා ගන්න
කවුරුවත් නවතින්නේ නැහැ..

~~~~~~~~~~~~~~~~~~~~~~~~~~~~~~~~~~~~~~~~~~~~~~

වස්සානය නැත තවම ඇවිදින්

වස්සානය

වස්සානය නැත තවම ඇවිදින්,
පොළෝ තළයම වියළි කතරකි
මගේ පුංචි පළඟැට්ටෝ..
එන්න එපා තවම පිටට, සැඟවී නුඹ සිටින තැනින්..

~~~~~~~~~~~~~~~~~~~~~~~~~~~~~~~~~~~~~~~~~~~~~~

පින්තූර: හර්ෂදේව
සංකල්පනා: ෴රතු තරුව෴

Mini Photojournal Episode 1

Mini Photojournal Episode 2

Read Full Post »

මට දුකයි

මට දුකයි

හොඳට බලන්න..
මේ පිණි බින්දු කියලා රැවටුනා නේද?
තාමත් බැහැනේද මගේ කඳුළු අඳුරගන්න..
මට දුක හිතුනේ ඇයි කියලා අහන්නේ නැද්ද?
මේ රළු පොළොවේ
අමාරුවෙන් පිපී..ලස්සනට හිනා වෙවී බලන් උන්නේ..
ඔබ ඇවිත් මාව නෙලාගන්නකල්..
උනුහුමට ඔබෙ දෝතේ තුරුල් වෙන්න ආසාවෙන් හිටියේ මම..
ඇත්ත තමයි..
“පේමතෝ ජායතී සෝකෝ..”

~~~~~~~~~~~~~~~~~~~~~~~~~~~~~~~~~~~~~~~~~~~~~~

අම්මේ

හිරු

අම්මේ…
ගොරවා වහින කල්හිද..
නියං කෝඩයටද..
බැනුම් ඇසුවේ
සාප ලැබුවේ අහසමයි හැමදාම
නුඹ වාගේම

~~~~~~~~~~~~~~~~~~~~~~~~~~~~~~~~~~~~~~~~~~~~~~

ආදරෙයි මම

ආදරය

හින්නි හිතට පැතුම් ගෙනා
නුඹේ සොඳුරු ඇස් දෙක ළඟ
මගේ ඇසුත් නැවතුනා..
හදවත මගෙ ගොළු උනා..
සුන්දර මේ නිමේෂයේ..
කියාගන්න ඔන උනේ
බොළඳයි තමයි, ඒත් ඇත්තමයි
ලියන්න කොල පැන්සල් නෑ
මගෙ කටහඬ මිහිරිත් නෑ
ඒක නිසයි මම හැදුවේ
කියන්න මේ විදිහට …
ආදරෙයි මම..හැමදාම

~~~~~~~~~~~~~~~~~~~~~~~~~~~~~~~~~~~~~~~~~~~~~~

ඉල්ලීමක්

ඉල්ලීමක්

බේසමේ සීරුවට අහුරගෙන ජීවිතය
උදෑසන මගට බැස ආවෙ බෝ දුරක සිට..
පිටට ඇළුනු කුස පොත්ත
ඇල් වතුරේ පොඟවගෙන
බලාගෙන හිටියේ
වයිවාරන ගෑණු පිරිමි පිට්ටනියට එන දිහා..
හයේ හතරේ පාරවල් මැද්දේ
තව බොහෝ දේ උඩ යන්නේ..
මහතුනේ..
මේ ඔල්වරසන් මැද
මා කෑ ගසා ඉල්ලන්නේ
හැමදාම බේසමේ විකිණෙන මගේ ජීවිතය විතරමයි..

~~~~~~~~~~~~~~~~~~~~~~~~~~~~~~~~~~~~~~~~~~~~~~

එන්න

කොඩිය

එන්න මේ කොඩිය යටට..
මෙතන හරි හෙවනයි
පක්‍ෂ,පාට,කුළ මල නැති‍
ජාති භේද කිසිවක් නැති
රොක් වෙන්න මේ කොඩිය යට
හරිම අභිමානයක් දැනේවි‍‍
ගත පුරා දුවන ලෙය උණුසුම් වේවි..
ඔද තෙද විදා රුපුන් මැද
ඉන්ද්‍රඛීළයක් සේ නැගී සිටින්නට..
එන්න මේ කොඩිය යටට එකා වන්ව

~~~~~~~~~~~~~~~~~~~~~~~~~~~~~~~~~~~~~~~~~~~~~~

පින්තූර: හර්ෂදේව
සංකල්පනා: ෴රතු තරුව෴

Mini Photojournal Episode 1

Read Full Post »

TechKathaසිංහල බ්ලොග් එමටය. සිංහල වෙබ් අඩෙවි එමටය. සිංහල ෆෝරම් එමටය. සිංහල ‘පොඩ් කාස්ට්’ නැතුවමත් නොවේ.. එනමුත් පොඩ් කාස්ට් සමඟ බ්ලොග් මුසුවක් දැක තිබේද?

මෙය එසේ මෙසේ අඩෙවියක් නොව, මිනිසුන්ගේ අනේකවිද ‘තාක්ෂනික’ ප්‍රශ්න වලට නොමිලයේම උත්තර සපයන සේවාවකි. පුදුමයි නේද?

නමින් මෙය ‘Techකතා’ය (www.techkatha.com). කරගෙන යන්නේ 6 දෙනෙකු විසිනි.

කාලිංග ඇතුලත්මුදලි
බුද්ධික ජයසිංහ
තිලිණ ගුණසේකර
හර්ෂදේව ආරියසිංහ
ඩනිෂ්ක නවීන්
මලින්ත සමරකෝන්

කෙටියෙන් කියතොත්, ඔබලාගේ ඕනෑම තාක්ෂනික ප්‍රශ්නයක් මෙම අඩෙවියට යොමු කිරීමෙන් පිලිතුරු ලබා ගැනීමට පිලිවන්. ප්‍රශ්න යොමු කිරීමට මාර්ග කිහිපයක් තිබේ. Skype හරහා, ඊ මේල් මගින් සහ Techකතා වෙබ් අඩෙවියේ තිබෙන පෝරමයෙන්. මේ ඕනෑම ක්‍රමයකින් ප්‍රශ්න යොමුකිරීමට ඔබට පිලිවන්.

පිලිතුරු පොඩ් කාස්ට් එකකින් ලැබේවි. දැනටමත් මෙහි 3 වන වැඩසටහන නිකුන් කර අවසන්‍.

ටෙක්නොලොජි ශ්‍රී ලංකාවේ ජනප්‍රිය වීම මන්දගාමී වීමට මූලික හේතුවක් වන්නේ ඉංග්‍රීසි බසය. මෙය නැසීමට කල යුතු එක පියවරක් වන්නේ පෙර පාසැල් අධ්‍යාපනයේ සිටම ඉංග්‍රීසි අනිවාර්‍ය කරමින් මවු භාෂාව මෙන්ම ප්‍රගුණ කිරීමට උදවු දීමය. දෙවනුව, දැනට තිබෙන ප්‍රශ්නයට පිලිතුරක් ලෙස ටෙක්නොලොජි සිංහලෙන් කියාදීමය.

මෙහිදී ටෙක්කතා ලාංකීය ජනයාට හොඳ පසුබිම සකසා ඇත. එයට එක්වන්නට සහ දිරි දෙන්නට ඔබටත් ආරාධනා…!

ප.ලි: මෙහි තේමා ගීතය නිර්මාණය කිරීමට මට භාර වුනා. ඔබට එය මාගේ mini-blog/tumblr එක තුලින් සවන් දීමට පිලිවන්.

Read Full Post »

Older Posts »